Джастин Гэйджи Илия Топуриямен жекпе-жек өткізгісі келетінін айтты

Джастин Гэйджи UFC чемпионы Илия Топуриямен жекпе-жек өткізуге қызығушылық танытты — жауынгер келесі жылдың басында жекпе-жек ұйымдастыруға үміттенеді.

Келесі жекпе-жекте мен Илия Топуриямен кездесуді жоспарлап отырмын. Қаңтарда төбелесеміз деп үміттенгенмін, бірақ қазір бұл екіталай көрінеді. Ең басты сұрақ — Илия октагонға қашан оралғысы келеді? Мұны білмеймін. Тек оның командасы жауап бере алады.

Америкалық жауынгер сондай-ақ АҚШ президентінің туған күні — 14 маусымда Оңтүстік алаңқайда өтетін Ақ үйдегі турнирге қатысуға дайын екенін білдірді.

Егер бізді Ақ үйдегі турнир кардына қосса, бұл ең жақсы оқиға болар еді. Ол өте танымал чемпион, ал мен америкалықпын. Мен ешқашан жекпе-жектерден бас тартқан емеспін, ешқашан UFC-ті жерге қаратқан емеспін. Сондықтан мен бұл жекпе-жекті аламын деп үміттенемін.

Гэйджидің соңғы жекпе-жегі жеті ай бұрын өтті, онда ол төрешілердің бірауызды шешімімен Рафаэль Физиевті жеңген болатын.