Дюбуа Усыкты реваншта «жарып өтемін» деп уәде берді

Sport-express.ua хабарлауынша, IBF супер ауыр салмақ чемпионы Даниэль Дюбуа (22-2, 21 КО) WBC, WBO, WBA және IBO белбеулерінің иегері Александр Усыкпен (23-0, 14 КО) өтетін реванш туралы пікір білдірді.

Супер ауыр салмақтағы абсолютті әлем чемпионы атағы үшін жекпе-жек Лондонда өтеді — спортшылар бірнеше күннен кейін рингте кездеседі.

«Усык — үздік боксшы, оның рекорды өзі айтып тұр. Александр — өз ісінің шебері. Усыкты жеңу үшін — максималды формада болу керек. Мен Усыкты жай ғана жарып өтемін. Іс бітті», — деді Дюбуа The Ring-ке берген сұхбатында.

Еске сала кетейік, екі жылдай бұрын өткен алғашқы кездесуде украиналық боксшы тоғызыншы раундта нокаутпен жеңіске жетті — сол кезде WBA, IBF және WBO белбеулері сарапқа салынған болатын.