«dyrachyo» Dota 2-дегі мансабын тоқтатты

Танымал стример Сергей «LenaGol0vach» Карнаухов Twitch эфирінде Антон «dyrachyo» Шкредовтың Dota 2-дегі кәсіби мансабын тоқтатуына қатысты пікір білдірді.

«Антоха Дотада бәріне қол жеткізді. Ол доллар миллионері, оған енді күніне он паблик ойнаудың қажеті жоқ. Ақшасы да, танымалдылығы да бар. Стример немесе кастер бола алады», – деді Карнаухов.

Оның айтуынша, Шкредов жаттығулардың орнына саяхат пен демалысқа көңіл бөле алады. Бірақ егер қаласа, кез келген уақытта кәсіби сахнаға қайта оралуы мүмкін.

Айта кетейік, кеше «dyrachyo» Dota 2 мансабын уақытша тоқтататынын жариялады.