Дубайға қашқан блогер Милохин Молдовада Ресей туының астында өнер көрсетеді

Зорик Степанян Даня Милохиннің алдағы жекпе-жекте Ресейді таныстыратынын мәлімдеді.

Наурыз айының ортасында танымал тиктокер молдовалық блогер Василе Жосанмен кездеседі. Бұл – оның екінші кәсіби жекпе-жегі болмақ.

«Қызық сұрақ. Әрине, ресейлік тудың астында! Ол неге Армения немесе БАӘ туының астында шығуы керек? Ол – біздің орыс жігітіміз ғой», – деді спортшының бапкері.

Айта кетейік, бір жарым жыл бұрын Екатерина Мизулинаның Қорғаныс министрлігіне жүгінуінен кейін блогер Ресейден кетіп, Дубайға қоныс аударған. Дегенмен бір жыл бұрын ALPHA FIGHT SERIES турнирінде өткен дебюттік жекпе-жегінде де ол Ресей туы мен әнұранының астында өнер көрсетіп, үндістандық блогер Ажмал Ханды бірінші раундта нокаутпен жеңген еді.