Дортмундтық «Боруссия» «Сандерлендтің» жас талантын рекордтық сомаға сатып алады

Фабрицио Романоның мәліметінше, дортмундтық «Боруссия» «Сандерлендпен» Джоб Беллингемді трансферлеу туралы келісімге қол жеткізді.

Неміс клубы 19 жастағы жартылай қорғаушы үшін негізгі сома ретінде 33 миллион еуро төлейді — оған қоса 5 миллион еуро бонус қарастырылған. «Сандерленд» сондай-ақ футболшының болашақтағы сатылымының 15%-ын өзіне қалдырады.

Өткен маусымдағы Чемпионшипте Беллингем нәтижелі маусым өткізді — 43 ойында 4 гол соғып, 3 голдық пас берді. Бұл трансфер «қара мысықтар» тарихындағы ең қымбат трансфер болады.