Допинг үшін шеттетілген қазақстандық боксшы BoxRec рейтингінде күрт көтерілді

Қазақстандық кәсіпқой боксшы Саматәлі Төлтаев (5-0, 2 КО) ақпанда Ақтауда өткен бокс кешіндегі жеңісінен кейін BoxRec.com рейтингінде өз орнын айтарлықтай жақсартты.

Бұл туралы prosports.kz жазды. Төлтаев бірінші раундта таиландтық Сахарат Таехирунды (9-4, 5 КО) нокаутпен жеңіп, жеңіл салмақта BoxRec рейтингінде 488-орыннан 335-орынға көтерілді.

Айта кетейік, Саматәлі Төлтаев екі жыл бұрын әуесқойлар арасындағы жарыста допинг дауына ілініп, оралтуринабол атты тыйым салынған анаболикалық стероид табылғаны үшін Қазақстан құрамасынан шеттетілген. Нәтижесінде, 25 жастағы боксшы 2026 жылдың 31 наурызына дейін дисквалификацияға ұшырады.