Доннарумма Мбаппе кеткеннен кейінгі ПСЖ-дағы өзгерістер туралы айтты

Football-Italia мәлімдеуінше, ПСЖ-дің негізгі қақпашысы Джанлуиджи Доннарумма Килиан Мбаппе кеткеннен кейінгі команданың өзгерісі туралы ойымен бөлісті.

Луис Энрике басқаратын Париж клубы тарихи жетістікке бір қадам жақын: команда Чемпиондар лигасының финалына шықты және маусымда төрт трофейді жеңіп алу мүмкіндігін сақтап отыр.

«Командада рух өзгерді — біз нағыз ұжымға айналдық және бір-біріміз үшін ойнаймыз. Әрине, Килианның жоқтығы білінеді, өйткені ол әлемдегі үздіктердің бірі. Мен оған жақсылық тілеймін, себебі ол керемет дос», — деді италиялық қақпашы.

Қақпа қорғаушысы Италия құрамасының жетістігімен параллель жүргізді — оның пікірінше, еуропалық біріншілікте жеңіске жету кілті командалық бірлік болды.