Доминик Калверт-Льюин тоғыз жылдан кейін «Эвертоннан» кететінін жариялады

Доминик Калверт-Льюин «Эвертоннан» кететінін ресми растады — 28 жастағы шабуылшының келісімшарты маусым айының соңында аяқталады.

«Шеффилд Юнайтедтен» 1,5 миллион фунтқа ауысқан ағылшын шабуылшысы «ирискалар» құрамында тоғыз жыл өткізіп, 273 ойында 71 гол соқты.

«Бұл отбасыммен бірге қабылдаған өте қиын шешім. Эвертон 19 жасымнан бері менің үйім болды — мұнда менің әлеуетімді көріп, футболшы және адам ретінде өсуіме көмектесті», — деп жазды Калверт-Льюин әлеуметтік желілерде.

BBC Sport сарапшысы Недум Онуоха бұған дейін клуб шабуылшыны төмендетілген жалақымен және ойын үшін бонустармен жаңа шарттарда сақтап қалуы керек еді деген пікір білдірген.