Дмитрий Бивол келесі жекпе-жек жоспарларын айтты

Tofight.ru мәліметінше, жартылай ауыр салмақтағы абсолютті әлем чемпионы Дмитрий Бивол келесі жекпе-жекке әлеуетті қарсыластар тізімін атады. Басты басымдық — Артур Бетербиевпен трилогияны аяқтау.

«Қазір денсаулығымды қалпына келтіріп, отбасы және достарыммен уақыт өткізіп жатырмын. Бірақ келесі қадамға ой жүгіртсем, алдымен Артурмен жекпе-жекті аяқтау керек екенін түсінемін. Сонымен қатар, Канеломен және Бенавидеспен де әлеуетті кездесулер бар», — деді Бивол.

Чемпионның айтуынша, ұзақ мерзімді перспективада крузервейт дивизионы да назарынан тыс қалған жоқ.