Дмитрий Бивол: «Анам Шымкентте туған, ата-анам Қырғызстанда отбасын құрды»

Жартылай ауыр салмақтағы әлемнің абсолют чемпионы Дмитрий Бивол өзінің шығу тегі туралы әңгімеледі, деп хабарлайды Exclusive KG.

«Менің анам мен әкем Бологоеде кездесті. Анам Қазақстанда, Шымкентте дүниеге келген. Ол Кеңес Одағы кезінде Бологоеге оқуға барған. Әкем Молдовада тұрған, ол да оқуға барған. Осылайша екеуі сол жерде танысты», — деді Бивол.

Чемпионның айтуынша, кейін ата-анасы Қырғызстанға қоныс аударған. Бұл кеңестік республикалар арасында еркін қозғалыс мүмкін болған кезең еді.

«Мен тағдырыма ризамын — олар бір күні Қырғызстанға келіп, осында отбасын құрды», — деп атап өтті Бивол.