Дмитрий Бивол әлемдегі саяси жағдайға түсініктеме беруден бас тартты

Championat.com хабарлауынша, WBA және IBO нұсқалары бойынша жартылай ауыр салмақтағы бұрынғы әлем чемпионы Дмитрий Бивол әлемдегі саяси жағдайға қатысты өз көзқарасын білдірді.

«Менің Ресейде де, Украинада да, басқа көршілес елдерде де достарым бар – бұл оңай емес. Біз, ресейліктер, Ресейде бокспен айналыса алмаймыз, ал украиндықтар – Украинада жұдырықтаса алмайды. Тек шетелде ғана. Бұл, әрине, боксқа кері әсер етеді», – деді Бивол.

22 ақпанда, яғни төрт күннен кейін, Эр-Риядта Дмитрий Бивол қазіргі абсолютті әлем чемпионы, жеңіліссіз келе жатқан ресейлік Артур Бетербиевпен кездеседі.

34 жастағы солақай боксшы, Ресейдің еңбек сіңірген спорт шебері, кәсіби мансабын 2014 жылы бастаған. Қазіргі таңда оның еншісінде 23 жеңіс бар, оның 12-сі – нокаутпен, сондай-ақ бір жеңілісі тіркелген.