Дини Жоау Педруды АПЛ-дің ең үздік трансфері деп атады

BBC хабарлағандай, сарапшы Трой Дини ағылшын Премьер-лигасының аптадағы үздік құрамын жариялады.

Аптаның құрамына «Кристал Пэлас» қақпашысы Дин Хендерсон, қорғаушылар Доминик Собослаи, Маркос Сенеси және Марк Гуэи енді. Жартылай қорғаушылар қатарында Дэвид Брукс, Кирнан Дьюсбери-Холл, Джаррод Боуэн және Энцо Фернандес, ал шабуылда — Эванилсон, Бето және Жоау Педру орын алды.

«Жоау Педру — жазғы маусымның ең үздік трансфері. Исак пен Виртц туралы көп айтылғанымен, «Челсидің» ойынына бірден сіңісіп кеткен — Педру. Команда қазірдің өзінде оның командасы сияқты көрінеді, ол ерекше ойыншы болады», — деді Дини.

Аптаның үздік бапкері болып «Вест Хэмның» жаттықтырушысы Грэм Поттер танылды, оның командасы сырт алаңда «Ноттингем Форестті» 3:0 есебімен жеңді.