Дини АПЛ-дағы аптаның үздік ойыншыларын атады

BBC сарапшысы Трой Дини ағылшын Премьер-лигасының соңғы турында өзін көрсеткен футболшылардан құралған аптаның үздік құрамасын жариялады.

Символдық құраманың қақпасына сарапшы «Бернли» қақпашысы Мартин Дубравканы қойды — словак қақпашы «Ноттингем Форест» қарсы ойында жеті рет қақпаны құтқарып қалды, бұл турдағы ең жақсы көрсеткіш.

Қорғаныс шебін «Кристал Пэлас» ойыншысы Тайрик Митчелл, «Борнмут» футболшысы Маркос Сенеси, «Ньюкасл» қорғаушысы Свен Ботман және «Ноттингем Форест» ойыншысы Неко Уильямс құрады.

Жартылай қорғаныста орын алғандар:
* «Ливерпуль» ойыншысы Райан Гравенберх
* «Фулхэм» футболшысы Алекс Ивоби
* «Лидс» ойыншысы Антон Штах
* «Манчестер Юнайтед» капитаны Бруно Фернандеш

Шабуылда «Сандерленд» ойыншысы Уилсон Исидор мен «Ливерпуль» футболшысы Уго Экитике орын алды.

«Бруно Фернандеш — керемет капитан. Бұл адамсыз «Манчестер Юнайтед» қайда болар еді? Жауабы — төменгі дивизионға түсу аймағында», — деп атап өтті Дини.

Аптаның үздік бапкері болып «Лидс» жаттықтырушысы Даниэль Фарке танылды — оның командасы сыртта «Вулверхэмптонды» жеңіп, маңызды жеңіске қол жеткізді.