Диего Коста Бразилия құрамасының алғашқы шетелдік бапкері туралы айтты

The National News мәліметінше, Диего Коста Бразилия құрамасының бас бапкері қызметіне Карло Анчелоттидің тағайындалуы туралы пікір білдірді — италиялық маман 26 мамырда жұмысқа кіріседі.

Анчелоттидің атағы жер жарып тұр және үлкен жетістіктері бар. Қазір Бразилияда көпшілік ойыншылар мен бапкерге күмәнмен қарайды. Сондықтан олар көп жеңіске жеткен біреуді шақыруы керек еді, — деді Коста.

Мәдени тұрғыдан Анчелотти Бразилиямен тіл табысады деп ойлаймын. Ол маңызды тұлға және адамдар оны бірден жақсы көреді. Ол көптеген бразилиялық ойыншылармен жұмыс істеді, оларды және бразилиялық мәдениетті ұнатады, — деп атап өтті «Атлетиконың» бұрынғы шабуылшысы.

Коста сондай-ақ жергілікті бапкерлер жанкүйерлер мен БАҚ тарапынан қатты қысым көретінін атап өтті — шетелдік маманның тағайындалуы команда төңірегіндегі шиеленісті төмендетуге көмектеседі.