Деклан Райс: «Бұл — клуб тарихындағы ерекше кеш»

УЕФА сайтының хабарлауынша, «Арсенал» жартылай қорғаушысы Деклан Райс Чемпиондар лигасының жартылай финалына шыққаннан кейін матч жайлы пікір білдірді. Лондондықтар сырт алаңда «Реал Мадридті» 2:1 есебімен жеңіп, тарихи жетістікке қол жеткізді.

«Бұл — біздің клуб үшін ерекше, тарихи кеш. Біздің мақсатымыз бар: үздік командалармен ойнап, турнирді жеңіп алу», — деді Райс.

Ағылшын ойыншысы команда матч алдындағы қысымға берілмегенін, «Реалдың» мүмкін болатын камбэгі туралы әңгімелерге мән бермегенін атап өтті.

«Біз өз күшімізге сендік. Қиын матч болатынын білдік, бірақ соған дайын болдық», — деді ол.

Райс клубтың болашағына сенімді екенін де айтты:

«Біз бұл турнирде өте жақсы ойнап жатырмыз. Жас әрі талантты ойыншыларымыз бар — Льюис-Скелли, Нванери және басқалар. Бұл — жастық пен тәжірибенің керемет үйлесімі».

Біздің парақшамыздан футбол матчтарының барлық нәтижелерін Live форматта бірінші болып біліңіз!