Де Йонг Ямальдің жеке өмірі мен Барселонаның алаңдаушылығы туралы пікір білдірді

«Барселона» жартылай қорғаушысы Френки де Йонг командаласы Ламин Ямальдің мінез-құлқына қатысты өз көзқарасын білдірді, деп хабарлайды El Pais.

«Ламин өмірде өзі қалағанын істеуі керек. Мен оны басқаруға міндетті емеспін. Мен оған қайда түскі ас ішуге баруды айтатын адам емеспін», — деді де Йонг.

Нидерланд футболшысы өз міндеті — Ямальді футбол алаңында қолдау екенін атап өтті, онда жас ойыншы жаттығуларда да, ойындарда да жақсы нәтиже көрсетіп жүр.

Журналист Ману Карреньоның мәліметінше, «Барселона» басшылығы соңғы айларда Ямальдің өмір салтына алаңдаушылық білдіруде.