Daxak Riyadh Masters 2025-ке келгеннен кейінгі алғашқы әсерлерімен бөлісті

Virtus.pro құрамының офлейнері Никита «Daxak» Кузьмин Riyadh Masters 2025 турниріне қатысу үшін Эр-Риядқа келді — бұл туралы киберспортшы өзінің Telegram-арнасында хабарлады.

Түнде ұшып келдік. Мен мұнда әдеттегідей ыстықтан қиналамын деп ойлағам. Бірақ мұнда Сербиядағыдан салқындау екен (мүмкін түн болғандықтан). Сондықтан бірден жағымды әсер қалдырды

Riyadh Masters 2025 турнирі 8-19 шілде аралығында өтеді — он алты команда $3 млн жүлде қорын сарапқа салады, жеңімпаз осы соманың үштен бірін алады. Бастапқы ойында Virtus.pro командасы Tundra Esports ұжымымен кездеседі.