Давыденко жас теннисші Андрееваның физикалық жағдайына алаңдаушылық білдірді

Sovsport.ru хабарлағандай, әлемнің экс үшінші ракеткасы Николай Давыденко жас теннисші Мирра Андрееваның физикалық жағдайына алаңдаушылық білдірді.

Оның жасы 18-де, бірақ қазірдің өзінде білектері таңулы және иығында мәселелер бар. Әрине, қазір кәсіби жүктеме түсіп, көптеген матчтар өткізуде. Демек, оның ағзасы әлі төтеп бере алмай жатыр, ол мұндай жүктемені толық көтеруге дайын емес, — деді Давыденко BB Tennis-ке берген сұхбатында.

Денсаулығындағы қиындықтарға қарамастан, Мирра Андреева әсерлі нәтижелер көрсетуде — биылғы маусымда теннисші Дубай мен Индиан-Уэллстегі WTA-1000 турнирлерінде жеңіске жетті. Өткен жылы спортшы Диана Шнайдермен бірге Париж Олимпиадасында жұптық разрядта күміс жүлдегер атанды.