Дастан Сатпаев Қазақстан Суперкубогында рекорд орнатты

Қазақстан футболында тарихи сәт орын алды. «Қайраттың» жас ойыншысы Дастан Сатпаев Қазақстан Суперкубогына қатысқан ең жас футболшы атанды. Ол 16 жас, 6 ай, 10 күнінде алаңға шығып, бұрынғы рекордты жаңартты.

Бұған дейінгі рекорд 2019 жылдан бері Вячеслав Швыревқа тиесілі еді. Ол 18 жас, 1 ай, 24 күнінде Суперкубок ойынына қатысқан болатын. Алайда, Сатпаев бұл көрсеткішті айтарлықтай жақсартты.

Дастан Сатпаев 2025 жылғы Қазақстан Суперкубогының финалында «Ақтөбеге» қарсы ойында (2:0) алаңға шықты. Бас бапкер оны 69-минутта ойынға қосты. Жас ойыншы сенімді ойынымен көзге түсіп, өз командасына пайдалы ойын өрнегін көрсете алды.

Бұл рекорд қазақ футболының болашағы жарқын екенін тағы бір дәлелдейді. Жас таланттың үлкен футболдағы қадамы жаңа белестердің бастауы болмақ. Футбол жанкүйерлері енді оның дамуын жіті бақылап, үлкен жетістіктер күтеді. А

қпарат көзі: https://t.me/sportqazaq.