Данияр Елеусіновтың рингке оралуы жайында сарапшылар не дейді?

Shaiba.kz порталының мәліметіне сәйкес, қазақстандық жартылай орта салмақтағы боксшы Данияр Елеусінов (11-0, 6 КО) өзінің көптен күткен кәсіби рингке оралуына дайындалуда. «Қазақ найзағайы» деген лақап атпен танымал боксшы 28 қыркүйекте Алматыда өтетін бокс кешін басқарады, оның қарсыласы филиппиндік спортшы Джо Нойнай (23-4-2, 11 КО) болмақ.

Американдық бокс шолушысы және менеджері Курт Эмхофф Елеусіновтің алдағы жекпе-жегіне қатысты пікір білдірді:
«Данияр Елеусіновтің осы демалыс күндері рингке қайта оралатынын көру қуантады. Оны қайтадан істеп жатқанын көру керемет болады. Ол жеңілмеген алтын медаль иегері, бірақ үш жылға жуық уақыт бойы рингке шыққан жоқ.»

Бұл жекпе-жек Елеусіновтің 2021 жылдан бергі алғашқы ресми кездесуіне айналмақ. Соңғы рет қазақстандық боксшы кәсіби рингке 2021 жылдың желтоқсанында Алматыда шығып, аргентиналық Хуан Эрнан Леалды (15-4-1, 4 КО) бірауыздан шешіммен жеңген болатын.

Айта кетерлігі, 2023 жылдың желтоқсанында Елеусінов «IBA Чемпиондар түні» турниріне қатысқанымен, бұл жекпе-жек оның BoxRec.com ресми рекордына енбеген. Сондықтан алдағы Нойнаймен болатын жекпе-жек қазақстандық боксшының ұзақ үзілістен кейінгі кәсіби аренаға қайта оралуындағы маңызды кезең болып табылады.