Данилина Ролан Гаррос жұптық сайысының жартылай финалына өтті

Анна Данилина мен Александра Крунич Ролан Гаррос жұптық сайысының ширек финалдық кезеңінен сәтті өтті — деп хабарлайды Shaiba.kz.

Қазақстан-серб дуэті қызу тартыста Катержина Синякова (Чехия) мен Тэйлор Таунсенд (АҚШ) жұбын жеңді — матч есебі 7:5, 4:6, 6:2 болды.

Жартылай финалда Данилина мен Крунич норвегиялық-жапондық жұп Улрикке Эйкери мен Эри Ходзумимен кездеседі — қарсыластар бұған дейін румын-бельгиялық дуэтті 6:4, 6:3 есебімен жеңген.

Үлкен дулыға сериясының беделді турнирі Парижде 56 352 000 еуро жүлде қорымен өтуде.