Данилина Ролан Гаррос жұптық разрядында титул үшін күреседі

Анна Данилина мен Александра Крунич жұптық разрядта Ролан Гарростың финалдық матчына дайындалуда, деп хабарлайды WTA. Олардың қарсыластары Италия өкілдері — Сара Эррани мен Жасмин Паолини болады.

Шешуші кездесу 8 маусымда өтеді — матч Астана уақыты бойынша 14:00-де басталады. Букмекерлер италиялық жұпты фаворит деп санайды.

Финалға дейінгі жолда Данилина мен Крунич жұбы бес сенімді жеңіске қол жеткізді:

• Линетт/Пера (Польша/АҚШ) — 6:7, 6:1, 6:4
• Янь/У (Қытай/Тайвань) — 6:4, 6:3
• Мухаммад/Схюрс (АҚШ/Нидерланды) — 6:4, 6:0
• Синякова/Таунсенд (Чехия/АҚШ) — 7:5, 4:6, 6:2
• Эйкери/Ходзуми (Норвегия/Жапония) — 6:7, 6:3, 7:5

Айта кетейік, Анна Данилина — жұптық разрядта WTA әлемдік рейтингінде 17-орынды иеленіп отырған Қазақстанның бірінші ракеткасы.