Данилина Ролан Гаррос финалында жеңіліп, ірі сомаға ие болды

Анна Данилина мен Александра Крунич Франция ашық біріншілігінің титулын жеңіп ала алмады — жұптық разрядтың финалдық матчында олар италиялық жұп Сара Эррани мен Жасмин Паолиниге жол берді.

Беделді турнирдің финалына қатысқаны үшін қазақстан-серб жұбы елеулі сыйақыға ие болды — әр теннисшіге 295 000 еуро және 1300 рейтингтік ұпай берілді. Турнир жеңімпаздары — Эррани мен Паолини — екі есе көп ақша алды: 590 000 еуродан және 2000 ұпайдан.

WTA жұптық рейтингінде 17-орында тұрған және осы разрядта Қазақстанның бірінші ракеткасы болып табылатын Анна Данилина келесі аптаның басынан бастап әлемдік жіктемедегі өз позициясын жақсартады.