Данилина мен Хромачева Мадридтегі турнирде жеңіске жетті

Анна Данилина мен Ирина Хромачева Мадридтегі беделді WTA 1000 теннис турнирін сәтті бастады.

Қазақстан-ресейлік жұп жұптық сайыстың бірінші айналымында — испаниялық Кристина Буча мен жапониялық Сюко Аояманы 5:7, 7:5, 12:10 есебімен жеңді. Тартысты кездесу дәл екі сағатқа созылды.

Келесі кезеңде Данилина мен Хромачева — чехиялық-даниялық жұп Линда Носкова мен Клара Таусонмен кездеседі. Қазақстандық теннисші әлемдік рейтингте 17-орында тұр және ұлттық жұптық теннистің көшбасшысы екенін атап өту керек.