Данилина Истбурндегі теннис турнирінің финалына шықты

Анна Данилина чехиялық теннисші Мария Боузковамен бірге Истбурндегі турнирдің финалына өтті — спортшылар британдық жұп Хэрриет Дарт пен Майя Люмсденді жеңді.

Жартылай финалдық кездесу 2:6, 7:5, 11:9 есебімен аяқталды — матч 1 сағат 37 минутқа созылды. Шешуші кездесуде қазақстандық-чехиялық жұп Джулиана Олмос/Рената Сарасуа (Мексика) — Се Шувэй (Тайвань)/Майя Джойнт (Австралия) жұбының жеңімпазымен кездеседі.

Жұптық разрядта Қазақстанның бірінші ракеткасы үшін бұл маусымдағы төртінші финал — Лондон, Ноттингем және «Ролан Гарроста» алдыңғы үш талпыныс жеңіліспен аяқталды. WTA әлемдік рейтингінде Данилина тоғызыншы орында тұр.