Данил Цой ҚПЛ аутсайдеріне ауысуы мүмкін

BorodAbata.kz ақпараты бойынша, Данил Цой «Атырау» футбол клубымен келісімшартқа қол қоюға жақын тұр.

29 жастағы қорғаушы соңғы уақытта медиафутбол саласында — «SD Family» және «Впорядке Крап-Тим» командаларында өнер көрсетті.

Қостанай қаласының тумасы қазақстандық футболда мол тәжірибеге ие — ол бірнеше клубтың намысын қорғады:

• «Тобыл» (негізінен дубль құрамы)
• «Болат»
• «Қайсар»
• «Оқжетпес»
• «Қызылжар»
• «Тараз»

Футболшы өз мансабында Бірінші лиганың жеңімпазы және екінші дивизионның күміс жүлдегері атанған. Цойдың жаңа клубы болуы мүмкін «Атырау» қазір ҚПЛ турнир кестесінде төрт ұпаймен соңғы орында тұр.