Даниэль Кормье Илия Топурияны Геннадий Головкинмен салыстырды

Metaratings.ru мәліметіне сәйкес, UFC-дің екі салмақтағы экс-чемпионы Даниэль Кормье жеңіл салмақтағы титулдың жаңа иегері Ілияс Топурияның жақында көрсеткен өнеріне таңданысын білдірді. Топурия 26 қазанда Абу-Дабиде өткен UFC 308 турнирінде Макс Холлоуэйді үшінші раундта нокаутпен жеңіп, Кормьенің назарын аударды.

Кормье өзінің YouTube арнасында: «Жеңіл салмақта мұндай соққы күші бар жауынгерді көргеніміз есімде жоқ. Оның соққылары ерекше. Конор Макгрегор осы салмақта мықты күшке ие болды, бірақ оның таза бокс шеберлігі Топурия деңгейінде болған жоқ. Топурияның стилі Геннадий Головкинге ұқсайды,» — деп атап өтті. Ол Головкиннің мансабының басында қарсыластарын қалай жеңгенін мысалға келтірді.

Бұл жеңіс Ілияс Топурияға өзінің мінсіз рекордын сақтап қалуға мүмкіндік берді: оның еншісінде 16 жеңіс және бірде-бір жеңіліс жоқ. Ал Макс Холлоуэйдің көрсеткіші қазір 26 жеңіс пен 8 жеңілісті құрайды.

Сонымен қатар, Геннадий Головкиннің соңғы жекпе-жегі 2022 жылдың қыркүйегінде Сауль «Канело» Альвареске қарсы өткенін еске сала кетейік. Жекпе-жек барлық раундқа созылып, төрешілердің бірауыздан қабылдаған шешімі бойынша жеңіс Канелоға бұйырды. Головкиннің кәсіби рекорды 42 жеңіс (оның 37-сі нокаутпен), 1 тең нәтиже және 2 жеңілістен тұрады.