CSD «Барселонаны» қолдады: Ла Лигадағы дау жаңа кезеңге өтті

El Chiringuito мәліметінше, Испанияның Спорт жөніндегі жоғары кеңесі (CSD) «Барселона» мен Ла Лига арасындағы қаржылық дау бойынша каталон клубының ұстанымын қолдайды. Ресми шешім жақын күндері жариялануы мүмкін.

Қақтығыс қаңтар айында «Камп Ноудағы» 475 VIP-орынды 30 жылға сату мәмілесінен туындады. Осы келісім арқылы клуб Дани Ольмо мен Пау Викторды тіркеуге мүмкіндік алған. Алайда клуб аудиторы бұл келісімнен түскен 100 миллион еуроны Ла Лига алдындағы есепке енгізуді бекітпеді.

Ла Лига бұл мәмілені қаржылық фэйр-плей талаптарына сай емес деп танып, екі ойыншыны тіркеу негізсіз екенін мәлімдеді. Сонымен қатар, ұйым «Барселонаның» жалақы лимитін де қысқартты.

CSD шешімі «Барселонаға» ойыншыларды заңды тіркеу және қаржылық ережелер бойынша жеңілдік алуға мүмкіндік беруі мүмкін. Даудың қалай аяқталары алдағы күндері белгілі болады.

Біздің парақшамыздан футбол матчтарының барлық нәтижелерін Live форматта бірінші болып біліңіз!