CS2 мейджорында алғаш рет егіз ағайындылар бір-біріне қарсы ойнайды

Швециялық киберспортшылар Адам «adamb» Ангстрем және Тим «susp» Ангстрем — Counter-Strike тарихында алғаш рет егіз ағайындылар бір мейджорда әр түрлі командалар құрамында өнер көрсетеді.

Ағайындылар BLAST.tv Austin Major 2025 турниріне іріктеу кезеңдерінен сәтті өтті — adamb еуропалық іріктеуде Metizport құрамында жолдама алса, susp солтүстік америкалық іріктеуде Wildcard Gaming сапында өтті.

Осы сәтке дейін мейджорларда өнер көрсеткен жалғыз егіздер бразилиялық ойыншылар Лукас «LUCAS1» Телес пен Энрике «HEN1» Телес болған — олар Краковтағы турнирде Immortals құрамында финалға дейін жеткен.

Остинде өтетін алдағы турнирге 32 команда қатысып, $1,25 млн жүлде қорын сарапқа салады.