CS2 кәсіпқойы мейджорға іріктеу онлайн форматын сынға алды

Counter-Strike 2 кәсіби ойыншысы Фредрик «roeJ» Йоргенсен BLAST.tv Austin Major 2025 ұйымдастырушыларын сынға алды — бұл туралы Cybersport.ru хабарлайды.

Даниялық киберспортшы іріктеу матчтарын онлайн форматта өткізу туралы шешімге наразылық білдірді — бұл көрермендерді шешуші сәттерде қатысушылардың эмоцияларын бақылау мүмкіндігінен айырады.

«Шынын айтқанда, MRQ-дағы маңызды ойындарда ойыншылардың реакциясын көре алмауымыз өте өкінішті. Мейджорға шығуға байланысты бұл шешуші матчтар — CS-тегі ең шиеленіскен ойындардың бірі», — деп жазды Йоргенсен X әлеуметтік желісінде.

BLAST.tv Austin Major 2025 іріктеу жарыстары 14-17 сәуір аралығында алты аймақта өтті.