CS2 бапкері Иван «F_1N» Кочугов мейджорларға іріктеу жүйесін сынға алды

Metaratings.ru мәліметінше, Counter-Strike 2-нің танымал бапкері Иван «F_1N» Кочугов жаңартылған мейджорларға іріктеу жүйесіне қатысты өз пікірін білдірді.

Маман жаңа форматтың киберспорттың дамуына кері әсер ететінін атап өтті. Оның ойынша, ашық іріктеулерден бас тарту — дұрыс шешім емес, тіпті бұл қадам читерлік пен келісілген ойындарға қарсы бағытталған болса да.

«Античит жүйесін жетілдіріп, кәсіби ойыншыларға іріктеуге қатысуға мүмкіндік беру керек. Бұрын бәрі әлдеқайда әділ болды — ашық іріктеуден өтіп, мейджорға жолдама алу мүмкін еді. Ал қазір қажетті VRS-ұпайлары болмаса, бұл мүмкін емес», — деді Кочугов.

Айта кетерлігі, шамамен бір жыл бұрын кәсіби аренада ойнайтын «GamerLegion» ұйымы жаңартылған командалық рейтингтің есептеу жүйесіне қатысты шағым түсірген болатын.