Counter-Strike 2 аңызға айналған dupreeh ойыншысымен қоштасты

Counter-Strike 2 әзірлеушілері бес мейджор чемпионы атағын жеңіп алған жалғыз ойыншы — Питер «dupreeh» Расмуссенге алғыс білдірді.

«Сервердің ішінде де, сыртында да мейджор чемпионы қандай болу керектігінің үлгісін көрсеткеніңіз үшін рахмет. Counter-Strike әрдайым жаныңызда болады» — деп атап өтті әзірлеушілер ресми аккаунтта.

Он үш жылдық мансабында дат киберспортшысы екі команданың — Astralis пен Team Vitality құрамында Intel Grand Slam қоса алғанда көптеген беделді трофейлерді жеңіп алып, тамаша нәтижелерге қол жеткізді.