ЧЛ финалындағы талқаннан кейін Интер бапкері әзіл сыйлық алды

Италияның Striscia la notizia әзіл бағдарламасы «Интердің» бас бапкері Симоне Индзагиге футболдағы сәтсіздіктер үшін берілетін әзіл марапаты — «Алтын тәпішкені» табыстады, деп хабарлайды бағдарламаның X желісіндегі парақшасы.

Марапаттау рәсімі милан клубы «ПСЖ-ден» ойсырай жеңілгеннен кейін өтті — команда Чемпиондар лигасының Мюнхендегі финалдық матчында париждіктерден 0:5 есебімен ұтылды.

«Біз нашар ойнадық. Бүгін сөйлегім келмейді. Мен әрдайым спортшы болдым — жеңіліс өкінішті, бірақ біз оны қабылдаймыз. Біз Чемпиондар лигасының финалына шықтық. ПСЖ — күшті команда, олар жеңіске лайық», — деп түсініктеме берді Индзаги марапатты алған кезде.