Чемпионшиптегі маусым үздіктері: үздік бапкер мен ойыншы атағына үміткерлер жарияланды

Ағылшын футбол лигасы Чемпионшиптегі 2024/25 маусымның үздік бапкері атағына үміткерлер тізімін жариялады. Қысқа тізімге турнир кестесінде жоғары орындарға таласып жүрген төрт маман енді:

• Даниэль Фарке («Лидс»)
• Скотт Паркер («Бернли»)
• Крис Уайлдер («Шеффилд Юнайтед»)
• Режи Ле Бри («Сандерленд»)

Аталған марапатты өткен маусымда «Ипсвич Таун» бапкері Киран Маккенна жеңіп алған болатын.

Ал «Маусым ойыншысы» номинациясында келесі футболшылар бақ сынайды:

• Джеймс Траффорд — қақпашы («Бернли»)
• Даниэль Джеймс — шабуылшы («Лидс»)
• Густаво Хамер — жартылай қорғаушы («Шеффилд Юнайтед»)

Жеңімпаздар 27 сәуірде Лондонда өтетін Ағылшын футбол лигасының жыл сайынғы марапаттау кешінде анықталады.

Біздің парақшамыздан футбол матчтарының барлық нәтижелерін Live форматта бірінші болып біліңіз!