Чемпиондар лигасы: «Барселона» мен «ПСЖ» жартылай финалға жолдама алды

Чемпиондар лигасының жауап ширек финалдық матчтарынан кейін турнирдің жартылай финалындағы алғашқы қатысушылар анықталды — «Барселона» мен «ПСЖ» Еуропаның басты клубтық трофейі үшін күресін жалғастырады.

Каталониялық клуб сырт алаңда «Боруссия Дортмундтан» 1:3 есебімен жеңілсе де, алғашқы кездесудегі 4:0 есебімен қол жеткізген ірі жеңісінің арқасында келесі кезеңге өтті.

Ал «ПСЖ» қонақта «Астон Виллаға» 2:3 есебімен есе жіберді. Дегенмен, Париждегі 3:1 есебімен тіркелген нәтиже франциялық ұжымға жартылай финалға шығуға жеткілікті болды.

Жартылай финалда «Барселона» — «Интер» мен «Бавария» арасындағы жұптың жеңімпазымен кездеседі. Ал «ПСЖ» өз қарсыласын «Арсенал» мен «Реал Мадрид» текетіресінен кейін біледі.

Біздің парақшамыздан футбол матчтарының барлық нәтижелерін Live форматта бірінші болып біліңіз!