Челсидің бұрынғы ойыншысы Абрамовичпен жұмысы туралы айтты

«Советский спорт» хабарлауынша, бұрынғы жартылай қорғаушы Манише «Челсидегі» Роман Абрамовичпен жұмысы туралы естеліктерімен бөлісті.

«Мен Роман Абрамовичке әлемдегі үздік клубтардың бірінде ойнау мүмкіндігі үшін құрметпен және алғыспен қараймын. Сол кезде ол өте байсалды адам болатын, бірақ әрқашан бәрімен амандасып, жаттығулар мен ойындарға қатысатын», — деді футболшы.

Португалдық жартылай қорғаушы Англия чемпионатындағы жеңісті тойлау сәтін ерекше атап өтті — сол кезде Абрамович киім ауыстыру бөлмесіне кіріп, қарапайым футболшы сияқты командамен бірге қуанған.

Клубтың қазіргі иесі Тодд Боули туралы айта келе, Манише — Абрамовичтің жетістіктерінен асып түсу оңай болмайтынын, өйткені «Челси» дәл сол кезде әлемдегі ұлы клубтардың біріне айналғанын атап өтті.