«Челси» жартылай финалға жақын: «Легия» ғажайыпқа ғана сенеді

Сәуірдің 17-нен 18-іне қараған түні Конференция лигасының ширек финалы аясында лондондық «Челси» мен Варшаваның «Легия» командалары арасындағы екінші ойын өтеді, деп жазды prosport.kz.

«Челси»

Плей-офф кезеңіндегі нәтижесі:

Лондондық клуб Конференция лигасының негізгі кезеңінде жеңіске жетіп, тікелей 1/8 финалға өтті. Алғашқы плей-офф кезеңінде Энцо Маресканың шәкірттері «Копенгагенді» жарыс жолынан шығарды. Екі кездесуде «Челси» 1:0 және 2:1 есебімен жеңіп, турнирдің ширек финалына көп қиындықсыз шықты. Қазір «ақсүйектер» Конференция лигасында сегіз матчтан тұратын жеңісті сериясын жалғастырып жатыр, лондондық клуб Польшада осы мінсіз статистиканы бұзғысы келмейді.

Кейінгі ойындары:

Лондондық команда Конференция лигасының ширек финалында «Легияға» қарсы алғашқы кездесуінде 3:0 есебімен жеңіске жетті. Барлық турнирдегі соңғы бес матчта команда екі рет жеңіске жетіп, екі рет тең түсті, бір рет жеңілген.

«Легия»

Плей-оффтағы нәтижесі:

Команда 1/8 финалда «Мольдемен» кездесті. Гонсало Фейо шәкірттері сырт алаңда 2:3 есебімен жеңілгенімен, өз алаңында негізгі уақытта 1:0 есебімен жеңіске жетіп, қосымша уақытқа 2:0 есебімен жеңіп, ширек финалға өтті.

Кейінгі ойындары:

Ширек финалдың алғашқы ойынында «Челсиден» ойсырай ұтылған осң (0:3) Легияның келесі кезеңге өту мүмкіндігі айтарлықтай төмендеді. Кейінгі бес кездесуде команда екі ойында жеңіске жетіп, бір ойында тең түсіп, екі рет жеңілістің кермек дәмін татты.

Болжам

«Челсидің» бірінші ойында қол жеткізген сенімді басымдығын әрі лондондық клубтың турнирдегі нәтижесін ескере отырсек, польшалық команданың келесі кезеңге өту мүмкіндігі өте төмен. Ағылшын клубы ойынды бақылауда ұстап, жартылай финал жолдамасын уыстан шығара қоймас.