Челси қорғаушысы Ачеампонг трансфер туралы қауесеттерді жоққа шығарды

Академия түлегі Джош Ачеампонг жазғы трансфер терезесінде «Челсиді» тастап кетуді жоспарламайтынын білдірді — деп хабарлайды клубтың ресми сайты.

Сегіз жасынан бері «көктердің» намысын қорғап келе жатқан 19 жастағы қорғаушы «Тоттенхэм», «Ньюкасл» және дортмундтік «Боруссияның» назарын аударды. Бас бапкер Энцо Мареска клуб жас ойыншыға сенім артатынын растады.

«Мен болашақ пен трансферлер туралы ойланбаймын — тек футболға көңіл бөлемін. Мен клубты жақсы көремін және Челсиде қалып, өз мүмкіндіктерімді көрсеткім келеді», — деді Ачеампонг.

2029 жылға дейін келісімшартын ұзартқан қорғаушы негізгі команда үшін 14 ойын өткізді. Жұлдыз әріптестерінің алдында қысылмайтыны туралы сұраққа футболшы былай жауап берді:

«Жоқ, мен қобалжу сезінбеймін. Мен үшін олар атақты есімдер емес, жай ғана командалас жолдастарым. Кобхэм академиясының барлық жігіттері бір-бірін қатты қолдайды, өйткені олар жақында осындай жолдан өтті»