Челси Лиам Делапты 30 миллион фунтқа трансферледі

Лондондық «Челси» Лиам Делапты «Ипсвич Таун» клубынан 30 миллион фунт стерлингке сатып алғанын ресми түрде жариялады. «Көктер» 20 миллионды бірден төлейді, ал қалған бөлігі кейінірек төленеді.

22 жастағы шабуылшы астаналық клубпен алты жылдық келісімшартқа қол қойды. «Челси» ойыншы үшін күресте «Манчестер Юнайтед», «Ньюкасл» және «Эвертонды» басып озды. Өткен маусымда шабуылшы Премьер-лигада 37 ойында 12 гол соқты.

«Мен бұл клубтың ұлылығын түсінемін және қазіргі ойыншылармен және бас бапкермен оның даму жолын көріп отырмын. Бұл менің дамуым үшін керемет орын болады», — деді Делап.

«Манчестер Ситидің» тәрбиеленушісі 2024 жылдың басында «Сток Сити», «Престон» және «Халл Ситиде» жалға алынғаннан кейін «Ипсвичке» ауысты. Енді Делап 14 маусым мен 13 шілде аралығында АҚШ-та өтетін клубтық әлем чемпионатына «Челсидің» қатысуына байланысты жастар арасындағы Еуропа чемпионатын өткізіп алады.