«Челси» капитаны Рис Джеймс клубтың Чемпиондар лигасындағы мүмкіндіктерін бағалады

«Челси» капитаны Рис Джеймс команданың Чемпиондар лигасына оралуға дайын екенін мәлімдеді — лондондық клуб басты еуропалық турнирге екі жылға жуық қатыспаған болатын.

«Клуб пен команданың Еуропа мен әлемнің үздік командаларымен бәсекелесу қабілетіне күмәнім жоқ. Біз апта сайын, матч сайын алға жылжып, маусым соңында қай жерде болатынымызды көреміз», — деді Джеймс.

Бен Чилвеллдің «Страсбургке» ауысуынан кейін Джеймс 2021 жылы Чемпиондар лигасын жеңген құрамнан қалған жалғыз ойыншы болып қалды.

«Жылдар өте келе адамдар біртіндеп клубтан кетті — бұл қиын. Клубта көптеген өзгерістер болды, бірақ мен мұны жаман деп айтпас едім. Өткен маусымда біз осы турнирге жолдама алып, екі трофей жеңіп алдық. Баяу бастадық, бірақ өсе алдық», — деп атап өтті «көктердің» капитаны.