«Челси» бапкері Мареска Санчоның ойынына қатысты пікір білдірді

«Челсидің» бас бапкері Энцо Мареска команда сапында өз ойынын таппай жүрген Джейдон Санчоның жағдайына қатысты пікір білдірді.

25 жастағы ағылшын ойыншы «Манчестер Юнайтедтен» 25 миллион фунтқа сатып алу құқығымен жалға алынған болатын. Алайда Санчо 29 матчта небәрі 2 гол ғана соғып, үмітті ақтай алмады.

— Статистика тұрғысынан Джейдон жақсырақ ойнай алар еді, бұл сөзсіз. Бірақ мұндай жағдай тек оған емес, бізде дәл осындай сәтсіздікке ұшыраған басқа ойыншылар да бар, — деді Мареска.

Сондай-ақ бапкер наурыз айында орын алған оқиғаға да тоқталды. Негізгі құрам жастар командасынан 0:3 есебімен жеңілгеннен кейін, Мареска құрамаға шақыртылмаған футболшылардың демалыс күнін жойған.

«Тоттенхэммен» ойын алдындағы баспасөз мәслихатында Мареска Коул Палмер, Николас Джексон және Нони Мадуэке қатарға оралғанын хабарлады. Ал Ромео Лавия жарақатына байланысты бұл кездесуге қатыса алмайды.

Біздің парақшамыздан футбол матчтарының барлық нәтижелерін Live форматта бірінші болып біліңіз!