Челси Аякстың 19 жастағы қорғаушысын 37 миллион фунтқа сатып алды

Лондондық «Челси» «Аякс» қорғаушысы Йоррел Хатоны 37 миллион фунт стерлингке трансферлеуді аяқтады — клубтың ресми сайты хабарлайды.

19 жастағы футболшы Лондонда медициналық тексеруден өткеннен кейін «көктермен» жеті жылдық келісімшартқа қол қойды.

«Мен мұнда болғаныма өте қуаныштымын. Өз болашағым туралы көп ойландым және мансабымда келесі қадам жасағым келді. Челси — бұл үшін ең жақсы орын», — деді Хато.

«Аякс» академиясының тәрбиеленушісі негізгі команда үшін 16 жасында дебют жасап, 17 жасында амстердамдық клубтың капитаны атанды. Қорғаныстың ортасында да, сол қапталда да ойнай алатын әмбебап қорғаушының «Аякс» сапында 111 ойын өткізген.

«Челси» осы жазда белсенді трансферлік науқан жүргізіп, құрамын сегіз жаңа ойыншымен толықтырды:

• Джейми Гиттенс дортмундтік «Боруссиядан» — 48 млн фунт
• Жоао Педро «Брайтоннан» — 55 млн фунт
• Лиам Делап «Ипсвич Тауннан» — 30 млн фунт
• Мамаду Сарр «Лионнан» — 12 млн фунт
• Дарио Эссуго «Спортингтен» — 18 млн фунт
• Эстевао Виллиан «Палмейрастан» — 29 млн фунт
• Кендри Паэс — 17 млн фунт