Чейл Соннен Топурия мен Царукян арасындағы құпия жекпе-жекті ашты

Bloody Elbow мәліметі бойынша, UFC-дің бұрынғы жауынгері Чейл Соннен жеңіл салмақтағы чемпион Илия Топурия мен Арман Царукян арасында алдағы жекпе-жек өтетінін мәлімдеді.

«ММА-дағы бүгінгі күні ең нашар жасырылған құпиялардың бірімен ресми түрде бөлісемін: Илия Топурия Арман Царукянмен жұдырықтасады. Иә, бұл рас – маған сенуіңізге болады. Жекпе-жек келісілді. Топурия жекпе-жектен бас тартқан жоқ, оның қарсыластықты насихаттауға өзіндік көзқарасы бар», – деді Соннен.

Бұл мәлімдеме Топурияның жақында айтқан ұстанымына қайшы келеді – бір ай бұрын ол Царукянмен жекпе-жек мүмкіндігін жоққа шығарған. Еске сала кетейік, маусым айының соңында UFC 317 турнирінде испандық жауынгер Чарльз Оливейраны нокаутпен жеңіп, чемпиондық атаққа ие болған.