Чехия Данияны әлем чемпионатында талқандады

Хоккейден әлем чемпионатының топтық кезеңінде Чехия құрамасы Дания командасымен кездесті.

Чех хоккейшілері мұзда басым болды — Мартин Некаш 24-ші және 45-ші минуттарда дубль жасады. Сондай-ақ жеңімпаздар құрамында Даниэль Газда, Давид Пастрняк, Лукаш Седлак, Даниэль Воженилек және Роман Червенка мергендік танытты. Дания құрамасынан Ник Олесен мен Кристиан Вайсе шайба салды.

Осы жеңістен кейін B тобындағы орналасу келесідей:

• Чехия — 8 ұпай
• Швейцария — 7 ұпай
• АҚШ — 6 ұпай
• Германия — 6 ұпай
• Қазақстан — 3 ұпай
• Норвегия — 0 ұпай
• Дания — 0 ұпай
• Венгрия — 0 ұпай

Норвегияны жеңіп, Германиядан жеңілген Қазақстан құрамасы келесі матчын Венгрия командасына қарсы өткізеді — трансляция Qazsport телеарнасында басталады.