Чеферин ресейлік жастар құрамаларын УЕФА турнирлеріне қайтару әрекеті туралы айтты

УЕФА президенті Александер Чеферин Politico-ға берген сұхбатында ресейлік жастар құрамаларының еуропалық жарыстардан шеттетілу жағдайының егжей-тегжейін ашты.

Ұйым басшысының айтуынша, УЕФА 17 жасқа дейінгі ұлдар мен қыздар құрамаларының турнирлерге қатысуына рұқсат беруді жоспарлаған — бұл мәселе атқару комитетінің қолдауына ие болған. Алайда кейінгі саяси қысым бұл шешімді кейінге қалдыруға мәжбүр етті.

«Біз жастарды қайтармақ болдық, бірақ саяси істерия басталды. Атқару комитетінің мүшелері жеке шабуылдарға ұшырап, бізден күтуді сұрады», — деді Чеферин.

«Балаларға басқаша қарау керек. Егер олар еуропалық елдерге ойнауға келсе, жергілікті балалар оларды құшақтар еді. Олар біздің жау емес екенімізді түсінер еді — халықтар бір-бірімен жауласпайды. Бірақ саясаткерлерге бұл маңызды емес», — деп атап өтті УЕФА басшысы.

Чеферин сондай-ақ дауыс беру құқығы жоқ жас спортшылардың басқа елдердің құрдастарымен араласу мүмкіндігінен айырылғанына алаңдаушылық білдірді.