Чедвик 2026 жылы Racing Bulls құрамының толық өзгеретінін болжады

W Series үш дүркін чемпионы Джейми Чедвик Racing Bulls құрамындағы ықтимал өзгерістер туралы — команда келесі маусымда пилоттар құрамын толығымен жаңартуы мүмкін екенін айтты.

Юки Цуноданың келісімшарты биыл аяқталады, ал команданың жаңа пилоты Исак Хаджар төрт дүркін чемпион Макс Ферстаппеннің серіктесі ретінде Red Bull-ға жоғарылауы мүмкін. Racing Bulls орындарына Red Bull жасөспірімі Арвид Линдблад, Лиам Лоусон және басқа да жас пилоттар үміткер.

«Олар мұндай қадамға баруы мүмкін деп ойлаймын. Бұл анық — олар үнемі келесі Макс Ферстаппенді іздеуде. Оларға жай тұрақты жүргізушілер немесе екінші нөмірлер керек емес. Олар Формула-1-дің суперждұлыздарын табуды қалайды», — деді Чедвик.

Британдықтың пікірінше, Racing Bulls-тың қазіргі пилоттары Ферстаппен деңгейіне тіпті секундтың оннан бір бөлігіне де жақындай алмайды, сондықтан команда Хаджармен болғандай жаңа таланттарға мүмкіндік бергені жөн.