Бундеслига: Байер Манчестер Ситиден жас аргентиналықты жалға алды

Леверкузен Байері Манчестер Ситимен Клаудио Эчеверриді жалға алу туралы келісімге келді — деп хабарлайды BBC Sport. 19 жастағы аргентиналық жартылай қорғаушы Бундеслигада маусымды Манчестер Юнайтедтің бұрынғы бапкері Эрик тен Хагтың жетекшілігімен өткізеді.

Ривер Плейттен бір жарым жыл бұрын ауысқаннан бері аргентиналық Сити үшін үш матч өткізді — соның ішінде Кристал Пэласқа қарсы Англия Кубогының финалында дебют жасады. Маусымда Эчеверри Клубтық әлем чемпионатында Аль-Айнға қарсы ойында алғашқы голын соқты.

«Ойыншыларды құрамнан тыс қалдыру — дұрыс емес. Жарыс үшін жақсы атмосфера жасау мүмкін емес», — деді Ситидің бас бапкері Пеп Гвардиола құрамды қысқарту қажеттілігін түсіндіріп.

Клуб басқа ойыншылар бойынша да ұсыныстарды қарастыруда — түріктің Галатасарайы қақпашы Эдерсон мен қорғаушы Мануэль Аканжиге қызығушылық танытса, Тоттенхэм қанатшабуылшы Савиньо бойынша келіссөздер жүргізуде.