Буффон ӘЧ-2026-ға шықпаса Италия құрамасынан кетуі мүмкін

Италия құрамасы делегациясының басшысы Джанлуиджи Буффон ұлттық команданың бас бапкері қызметіне Дженнаро Гаттузоның тағайындалуына түсініктеме берді және Роберто Манчини қайта оралған жағдайда қызметінен кету туралы қауесеттерді жоққа шығарды.

«Менің келісімшартымның мерзімі жыл сайын 30 маусымда аяқталады — қызметтен кету мәселе емес. Біз Риноны федерация президенті және басқа да мамандармен кеңескеннен кейін таңдадық. Мұндай деңгейде жақсы немесе жаман бапкерлер жоқ — командаға сәйкес келетіндер бар», — деді 2006 жылғы әлем чемпионы.

«Қазір Рино үшін құраманы басқаратын қолайлы сәт. Бұл таңдаудың дұрыстығын уақыт көрсетеді — егер олай болмаса, артқа шегінуге тура келеді», — деп қосты Буффон.

Айта кетейік, Италия құрамасы соңғы екі әлем чемпионатын — 2018 және 2022 жылдары өткізіп алған.

Дереккөз: Football Italia