Бублик пен Медведев Галледегі турнир финалынан кейін шампан шоуын ұйымдастырды

Александр Бублик пен Даниил Медведев Галледегі теннис турнирінің марапаттау рәсімін көңілді шоуға айналдырды — спортшылар кезекпен бір-біріне шампан шашты.

ATP рейтингінде 45-орында тұрған қазақстандық теннисші мансабында алғаш рет әлемнің 11-ракеткасы ресейлікті 6:3, 7:6 есебімен жеңді — бұған дейін олардың жеке кездесулерінде Медведевтің жеті жеңісі тіркелген болатын.

Александр Бублик үшін бұл неміс қаласы Галледегі турнирдегі екінші жеңіс — теннисші осы беделді жарыстың шөп корттарындағы шеберлігін тағы бір мәрте дәлелдеді.