БҰҰ арнайы баяндамашысы Израильді футбол турнирлерінен шеттетуге шақырды

БҰҰ-ның басып алынған палестина аумақтары бойынша арнайы баяндамашысы Франческа Альбанезе палестиналық футболшының қазасы туралы жарияланымнан кейін УЕФА-ны сынға алды.

Бұған себеп болған — Палестина құрамасының бұрынғы ойыншысы Сулейман әл-Обейдтің Газа секторындағы Израильдің әскери іс-қимылдары салдарынан қаза табуы.

«УЕФА, әл-Обейдтің қанішерлерін жарыстардан аластататын уақыт келді. Спортты апартеид пен геноцидтен арылтайық. Доп артынан доп, соққы артынан соққы», — деп жазды Альбанезе X әлеуметтік желісінде.

УЕФА-ның жарияланымына «палестиналық Пеле» атанған футболшының қазасының мән-жайын сұраған Мохамед Салах та үн қатты.